Egoera horren aurrean, Donostiako EAJ-PNVk honako hau adierazi nahi du:

1.- Guztiz eta erabat faltsua da Donostiako Udaltzaingoko agenteek Intxaurrondoko Guardia Zibilaren kuartelean armak erabiltzeari, tiro-praktikei, taser-pistolei, lehergailuei edo antzeko beste edozein jarduerari buruzko polizia-prestakuntza-saioetan parte hartu izana.

2.- Joan den maiatzaren 9an, hainbat udaletako ertzainak eta udaltzainak gonbidatu zituzten epaileek, fiskalek, adituek eta gizarte-erakundeek gizakien salerosketari buruz emandako diziplina anitzeko jardunaldi batera joateko. Arazo horrek nazioarteko polizia-mailako lankidetza eskatzen du. Jardunaldi honen desitxuratzea da errealitatearekin bat ez datorren akusazio bati eusteko argudioa.

3.- Baieztatuta dago, ordea, Pasaiako, Andoaingo eta Tolosako udaltzainek, EH Bilduko alkateek gobernatutako hiru udalek, parte hartu dutela armen erabilerari eta tiro-praktikei buruzko polizia-prestakuntzako saioetan, Arkautiko Polizia eta Larrialdietako Euskal Akademiatik kanpo.

4.- EAJ-PNVren ustez, EH Bilduko buruzagiek faltsukeria horiek zabaltzea nahasmena sortzeko eta arreta ezker abertzaleak gobernatzen dituen udalei eragiten dieten gertaeretatik desbideratzeko ahalegina da. EAJ-PNVk EH Bilduren azalpen argien eta erantzukizun politikoen zain jarraitzen du.