Asteasuko EAJ-PNVko alderdikideek Aitziber Egaña Callejo izendatu dute alkatetzarako hautagai gisa maiatzaren 28ko udal hauteskundeetako. Biologia Zientzietan litzenziatua Nafarroako Unibersitatean, gaur egun Administrazio Publikoan ari da lanean.

Zerrendaburuak aurreratu duenez, EAJ-PNVrentzat berebizikoa da “elkarbizitza politikoa, soziala, ingurumenekoa, kulturala eta genero-berdintasunekoa lortzen laguntzen jarraitzea”. Izan ere, bere helburu nagusia “Asteasu bazterketarik gabeko udalerri izatea da; denentzat atseginagoa eta bizikideagoa. Asteasu, guztiontzat herria izatea”.

Horrez gain, aurreikusi dituen lan-ildoen artean, “Asteasu auzo guztietako herritarren kohesiorako eta garapen ekonomiko, hezitzaile, sozial eta kulturalerako aukera berrien iturri izatea” nabarmentzen da. Horretarako, jakinarazi duenez, “ingurumenean eta pertsona ahulenen gizarte-babesean arreta berezia” jarriko duela agindu du.