Donostiako alkate Eneko Goia CIDEU (Centro Iberoamericano de Desarrollo Estratégico Urbano) sarearen urteko bileraren buru izango da maiatzaren 17tik 19ra Mexikoko Oaxaca hirian. Alkatea hiri iberoamerikarren sarearen presidente da iaz XXII CIDEU Kongresua Donostian egin zenetik, eta 2018an presidentzia Santiago de Chile hiriari pasako dio.

Hiru jardunaldiko kongresua izango da eta, bertan, Goiak hainbat bilera eta hitzalditan parte hartuko du mugikortasun jasangarriari buruz. Donostiako alkateak Donostiako eredua azalduko du eta hirietako ordezkariek "Bizikidetzarako Mugikortasuna" Oaxaca-ko Adierazpena sinatuko dute.