Honekin, talde jeltzaleak oposizio eraikitzaile, arduratsu eta propositibo gisa egiten duen lana balioesten du, herria bizi duen geldialditik atera, proiektu estrategikoak desblokeatu eta ordiziarren bizi-kalitatea modu errealean hobetzeko baliabideak lortzea ardatz hartuta.

Buletinak lehentasunez nabarmentzen ditu EAJ-PNVk Ordiziaren hirigintza, ongizate eta elkarbizi erronka handien aurrean bultzatutako proposamenak:

     ● Etxebizitza eta etorkizuna (HAPOa): Hirigintza Plan Orokorra (HAPOa) lehenbailehen eguneratu eta berraktibatzeko eskaera, etxebizitza berrien garapena bultzatu eta herriaren antolaketa jasangarria bermatzeko.

     ● Mugikortasuna, Irisgarritasuna eta Espazio Publikoa: Irisgarritasun unibertsala bermatzea puntu kritikoetan —hala nola Majori kiroldegirako sarbidean edo Garagartza eskaileretan— eta elkarbizitza eta ingurunea babestuko dituen Bizikidetza-Ordenantza berri bat ezartzea.

     ● Ekipamenduak eta bultzada soziala: Zahartze aktiboa, autonomia eta arreta duina bermatzeko herriko bilakaera demografikoari buruzko  azterketa sakona, eta Majori kiroldegirako kudeaketa eredu eraginkor, garden eta berritu bat, gaur egungo egiturazko gabeziak eta instalazioen hondatzea gelditzeko.

Era berean, eguneroko mantenuaren hainbat erreklamazio biltzen ditu —hala nola kaleen garbiketarako plan integral baten premia, argiztapen publikoaren eta segurtasunaren hobekuntza, landa bideen egoera tamalgarria (Egutera, Arramendi eta Lazkaomendiko bideak), edota auzoen beharrak (Altamirako igogailua eta Bustuntzako txukunketak)—, eta EH Bilduren gobernuaren muturreko utzikeria-egoeren eta betetako konpromiso ezaren berri ematen du.

Horrekin guztiarekin, EAJ-PNVk zorroztasunetik eta hurbiltasunetik "Ordizia hobe baten alde" lanean jarraitzeko konpromisoa berretsi du aldizkari honetan.