Buletinak nabarmentzen ditu EAJ-PNVk Lazkaoko hirigintza eta ongizate erronka handien aurrean bultzatutako proposamen eta egitasmo nagusiak:

       • Etxebizitza eta hiri-berroneratzea: Etxebizitza politika aktiboa sustatzea, Iturgaitzagan 80 etxebizitza inguru gehiago eraikitzea helburu hartuta.

       • Mugikortasuna, Espazio Publikoa eta Irisgarritasuna: Gurutze auzoko espaloia berritzea oztopoak kentzeko, Meandroko ibilbide irisgarri berria osatzea eta Lazkaomendiko oinezkoen bidearen lizitazioa bultzatzea oinezkoen segurtasuna hobetzeko.

       • Ekipamenduak eta bultzada soziala: San Jose auzoan igogailu berria jartzea adinekoen autonomiaren mesedetan, osasun zentro moderno berria lortzea eta Aresoko haur parke estalia bermatzea familiei aterpe bat emateko.

Era berean, herritarren ahotsa kudeaketaren erdigunean jartzen du eta etorkizuneko zaintza-eredua diseinatzeko Matia Fundazioarekin abiatutako elkarlana azpimarratzen du.