EAJ-PNV Soraluzek berriro salatu du EH Bilduren Udal Gobernuaren kudeaketan erantzunik eza eta pasibotasuna, alde zaharrean ibilgailuen trafikoa arautuko duen sistema alternatiboa ezartzeko.

Talde jeltzaleak gogorarazi du 2024ko maiatzean eman zuela egoera horren berri, eta ohartarazi zuen orduan gune historikoaren sarrerak eta irteerak seinaleztapen konoen bidez arautzen zirela, eta udalerriko hainbat puntu estrategikotan kontrol eta zaintza kamerak jartzeko beharra zegoela, eta gaur egun ez dela benetako aurrerapenik egin.

EAJ-PNVtik deitoratu dute, hirigintza batzordeetan eta adierazpen publikoen bidez behin eta berriz egindako eskaerak gorabehera, EH Bilduk irtenbide eraginkorrik eta epe zehatzik eman gabe jarraitzea, bizilagunen segurtasunari eta eguneroko bizikidetzari zuzenean eragiten dion arazo bat konpontzeko.

Ramon Gallastegi zinegotzi jeltzaleak adierazi duenez, “egoerak duela bi urte bezala jarraitzen du: hirigune historikoaren sarrera eta irteera obrako hesien bidez “araututa” dago, eta gidariak autotik jaistera behartzen ditu, eskuz mugitzeko. Sistema arkaikoa eta deserosoa, nahasmena, haserrea eta arriskua sortzen dituena, bai oinezkoentzat, bai gidarientzat ”.

Gaur egun, Udal Gobernua ez da gai izan Soraluzeko bizilagunek behin eta berriz eskatzen duten arazoari behin betiko erantzuna emateko.

Gallastegik gogorarazi du EAJ-PNVk udalerriko sarbideetan zaintza eta kontrol kamerak jartzea ere eskatu zuela segurtasuna hobetzeko eta trafikoaren kontrola indartzeko, baina gaur egun sistema ez dela instalatu.

Talde jeltzalearen ustez, bereziki kezkagarria da 2024ko maiatzean dagoen arazoa ezagutarazi eta neurri zehatzak hartzea eskatu ondoren, Udal Gobernuak erantzunik ematen ez jarraitzea. Ildo horretan, Gallastegik azpimarratu du “Soraluzek modu eraginkorrean, denboran eta forman kudeatuko duen Udal bat izan behar duela, arazoak alferrik luzatzea eta betikotu ez daitezen”.