Hasiera batean Eusko Jaurlaritzak gauzatzekoa zen proiektua da, baina ondoren Espainiako Gobernuak bere gain hartu zuen, Next Generation funtsen bidez finantzatuta. Denbora igaro den arren, gaur-gaurkoz obrak ez dira oraindik gauzatu, eta horrek atzerapen bidegabea eragin du herritarrek aspaldidanik eskatzen duten konexio batean.

Egoera honen aurrean, Hondarribiko EAJ-PNVk, alde batetik, Espainiako Gobernuari epeak azkartzeko eta jarduera hau lehenbailehen gauzatzeko eskatzen dio, eta bestetik, Hondarribiko Udal Gobernuari dei egiten dio beharrezko izapideak dagoeneko martxan jartzeko, obrak aurrera egiten dutenean Amute eta Mendelu modu eraginkor, seguru eta jasangarrian lotu ahal izateko.

Talde jeltzalearen ustez, ez da nahikoa proiektuak iragartzea; gauzatu egin behar dira, eta gogorarazi dute mugikortasun jasangarriak eta lurralde-kohesioak ez dutela atzerapen gehiagorik onartzen, bereziki Bidasoa eskualdean bezalako eremu estrategiko batean.

Informazio gehiago: https://labur.eus/irun_hondarribia_plaiaundi_eus