Jaiak ospatzeko eta elkartzeko uneak dira, baina Euzko Alderdi Jeltzaleko kideek azpimarratu dute oso garrantzitsua dela pertsona guztiek ekitaldi horietaz gozatu ahal izatea, erasoen edo jazarpenaren beldurrik gabe. Testuinguru horretan, puntu moreak funtsezko tresna dira zaurgarri senti daitezkeen edo ospakizunetan indarkeria-egoerak jasaten dituzten pertsonei babes- eta laguntza-gune bat eskaintzeko.

Puntu moreen helburua ingurune seguru bat sortzea da, erasoen biktimei berehalako arreta, orientazioa eta laguntza emozionala eskainiz, deserosotasun edo beldur egoerei aurre egin behar izan gabe. Gainera, puntu horiek komunitateko kide guztien ongizatearekin duen konpromisoaren sinbolo bihurtzen dira. Pertsona guztiek jaiez gozatzeko duten eskubidea, indarkeria edo jazarpena jasateko beldurrik gabe, negoziaezina da, eta guztiok errespetuz gozatzeko aukera izan behar dugula nabarmendu dute Eusko Alderdi Jeltzaleko kideek.

Errenterian, puntu moreak  jada ezarri dira Madalenak edo Atlantikaldia bezalako ekitaldietan. Hala ere, ekimen hau Agustinak, Alaberga, Beraun, Fanderia, Gabierrota, Gaztaño, Igantzi, Kaputxinoak, Pontika eta Zamalbide auzoetara zabaltzea proposatzen du orain Alderdi Jeltzaleak, bertan  datozen asteetan ospatuko diren jaietan jende asko bilduko baita. Gainera, urtean zehar egiten diren ekitaldi handietan Iztietako kioskoaren kokalekuan puntu more bat instalatzea proposatzen da.

Proposamen honen helburua segurtasuna indartzea eta komunitateko jai guztietan errespetuzko eta tolerantziazko kultura sustatzea da. Auzo guztietan puntu moreak ezartzea Errenteria inklusiboago eta errespetuzkoago baterako urratsa izango da, non pertsona guztiek ospakizunez segurtasunez eta beldurrik gabe gozatu ahal izango duten.