"Esan eta egin" izan da udal gobernuak Hondarribiko Udalean legegintzaldiaren "lehen urte eraginkorraren" irakurketa ezagutzera emateko erabili duen leloa.

Baina 2024an, horretarako aurrekontu-partida bazuen ere, GKEei garapenerako lankidetza- programak egiteko dirulaguntzen deialdia ez zen ireki. Orain, partida hori diruzaintzako gerakinera pasatu da eta ezin da erabili.

EAJ-PNV udal taldeak otsaileko osoko bilkuran eztabaidatzeko mozio bat erregistratu du

eta bertan udal gobernuari honako hau eskatu zaio:

    • Ahal den bezain pronto, sar dezala 2024an erabili ez den zenbatekoa aurtengo aurrekontuan.

    • 2024ko eta 2025eko proiektuetarako dirulaguntzen deialdia egitea eta deialdi horren kudeaketa GKEei erraztea.

Abotsanitzek askotan adierazi du garrantzitsua dela udal-aurrekontuaren % 0,7 elkartasunera bideratzea. Orain agintean daudela, orain arte eskatu dutena egiteko eskatzen diegu.