Jeltzaleek poztasun handiz hartu dute Aintzane Oiarbidek, Errepide eta Azpiegitura Foru Diputatuak, azken egunetan publikoki hartutako konpromisoa; 2019-2023 legealdi honetan bertan A15, N1 eta herriko sarreraren arteko konexioa “arintzeko konpromezua” proiektu berri baten bidez, egunero sortzen diren auto-ilarei konponbidea emateko.

EAJ-PNVtik adierazten da nola beste behin ere egiaztatu den “iraganeko konfrontazio politika eta estrategien aurrean, elkarrizketa eta instituzio ezberdinen arteko elkarlana askoz ere onuragarriagoa eta eraginkorragoa dela Andoaingo herriarentzat”.