Josu Mendicute Rodriguez bozeramaile jeltzaleak gainontzeko taldeei gonbidapena luzatu die “bekaizkeria politikoak alboratu eta akordioetan parte hartzeko”. Izan ere, “minimo hauekin edonork egin dezake bat. Guztiok daukagu zer esan Eibarren etorkizuna eraikitzeko eta Eibarrek mapan bere lekua berreskuratzeko”.

EAJ bereziki kritikoa da egungo udal gobernuaren pasibitatearen eta dinamismo faltaren aurrean. “Ez dute inolako lidergorik erakutsi Eibar berpizteko. Ez dago lekurik aitzakientzat eta entretenimenduentzat, Udaletxe honetan ohitura bilakatu den bezala. Udalaren zeregina ez da dirua alferrik pilatzea”.