Eibarko Udalak badu Euskararen Normalizaziorako Aholku Batzordea (ENBA), eta hari dagokio lanpostu bakoitzaren hizkuntza perfila zehaztea. Hala ere, Pertsonal Batzordeak ez dio beti kontsulta egiten lanpostuen eskakizunak zehazteko.

EAJk zalantzan jarri du PSE-EE PSOEren euskararekiko konpromisoa “propagandarako elementu folklorikotik haratago”. “Euskararen egunean argazkirako gertu egongo dira, baina gero ez dituzte beharrezko hizkuntza perfilak eskatzen. Zabarkeria galanta da hori”, salatu du Eibarko EAJ-PNV udal taldeko Hizkuntza Politikako ordezkariak, Eva Juezek.

Jeltzaleek baieztatu dutenez, Eibarko PSOEk pairatzen diharduen krisiak ez du justifikatzen Udaletxeko sailen arteko komunikazio falta. “PSOEk ez du inolako interesik erakutsi euskaldunizazioaren eremuan”.