Eta Zinkoeneak biribilgune izateari utziko balio eta guztiok gozatzeko moduko plaza seguru bihurtuko bagenu?

Ba al zenekien, bi lorontzirekin, bi trafiko-seinalerekin eta errepidea espaloiaren maila berean jarrita, Zinkoeneako egungo biribilgunea plaza ikusgarri bihur genezakeela? Haurrek askoz arrisku gutxiago izango lukete espazio berri honetan, eta gurasoak lasaiago egongo lirateke.

Gure hauteskunde programako proposamenetako bat zen hau; 2020ko maiatzean, EH Bilduri eskatu genion egiteko, eta ezetz erantzun zigun. Alderdi jeltzalea ziur dago oso positiboa izango litzatekeela ingurune honentzat eta herritar gehienentzat.

Aldaketa honek zirkulazioa desbideratuko luke Elkano eta Txirrita kaleetatik Zinkoenearaino. Gainera, Orkolagako martxaren noranzkoa aldatuko litzateke.