Eusko Legebiltzarrak euskal herritarrak animatu ditu “Minority Safety-Pack” ekimena babes dezaten, Europako hizkuntza gutxituen eskubideen alde. Horretarako, legebiltzar-talde guztiek adierazpen instituzionala adostu dute. Herri-ekimenaren ildo beretik, adierazpen horrek Europar Batasunari eskatzen dio Europa osoko kultura- eta hizkuntza-aniztasunaren ardura bere gain hartu eta egiazko sustatzaile izan dadila. Era berean, Europar Batasuneko kide diren estatuei eskatu die behatu dezatela gutxiengoen eskubideak babesten dituzten Copenhagueko irizpideak.

Era berean, Maialen Gurrutxaga legebiltzarkide jeltzalearen ustez, “Minority Safe-Pack” delakoak hainbat lege-proiektu dakartza, gutxiengo nazionalen segurtasunaren alde. “Europar Batasuneko arau-garapen batzuk dira, ahalbidetzen ahalbidetzen dutenak sustatzea gutxiengoen eskubideak, hizkuntza-eskubideak eta beren kulturen babestea”, esan du.

Europar Herri-Ekimena demokrazia zuzenerako tresna bat da, Europar Batasunak 2012an aurkeztutakoa. Hori dela eta, “kide diren gutxienez zazpi estatutako milioi bat herritar baino gehiagok herri-ekimen bat babesten dutenean, Europar Batzordeak proposamena aztertzeko betebeharra dauka”.