Gipuzkoako Batzar Nagusietako EAJ-PNV batzarkide taldeak, oso positibotzat jo du Foru Aldundiak gaur aurkeztutako Herritarren Partaidetzari Buruzko Foru Arau Proiektu berria. Aurkezpena Gobernantza Diputatua, Imanol Lasak eta Herritarren Partaidetza Foru zuzendaria, Joseba Muxikak egin dute Batzordeko batzarkideen galderei erantzunaz.

Honen harira, Xabier Ezeizabarrenak EAJ-PNV bozeramaile Batzordean azpimarratu du, Foru Arau Proiektuak gipuzkoar herritarron partaidetza eskubidea sendotzen lagunduko duela, demokrazia ordezkagarria eta parlamentarioa osatuko dituen oinarrizko eskubide gisa.

“Azken finean – amaitu du Ezeizabarrenak – gaur Batzar Nagusietan aurkeztutako proiektuak herritarren partaidetza eskubidea bere osotasunean, Gipuzkoako Lurralde Historiko osoan zehar sustatzea du helburu, berdintasun egoeran herritar guztion partaidetza eskubideen konpromezu eraginkorraren adierazle”.