Bart gauean, hiru pertsonak pintura gorrizko boteak bota zizkioten Arrasateko batzokiko bi langileri euren lanpostutik irteten ari zirela.

Arrasateko batzokiaren eta bere bi langileren aurkako eraso honen aurrean, EAJ-PNVk honako hau adierazi nahi du:

• Erabat baztertu eta salatu egin nahi du.
• Salatu egiten du horrelako gertaerak berriro eramaten gaituela uste genuen gainditutako garaira.
• Gogora ekartzen du horrelako jokaerak ez duela inolako lekurik gurea bezalako herri demokratiko batean; eta gainera, are eta gehiago ulertezina da euskal gizarteak bakea eta bizikidetza sendotzeko urratsak ematea eskatzen duelako.
• Nabarmentzen du, errespetu falta izateaz gain, horrelako gertaerak bizikidetzaren aurkako erasoa direla.

EAJ-PNVk berretsi egiten du gure herriarentzat bakean eta bizikidetzan oinarritutako etorkizunarekin, hots, salbuespenik gabe giza-eskubide oro errespetatzean oinarritutakoa.

Halaber, EAJ-PNVk Udalaren Bozeramaile Batzordea deitzea eskatu du, datorren astelehenean, azaroaren 7an, 17:30ean, gertaera larri hauek baloratzeko.