”Martuteneko biribilgunea birmoldatzea ezinbestekoa da Carlos I zatitzen duen ‘errepide-horma’ kenduko bada. Lan hori ez dela lehentasunezkoa esateak adierazten du Aldundiak Carlos I-en horma kentzea ez duela lehentasunezkotzat jotzen. Gai hau guztiz garrantzitsua da Donostiarentzat eta udal Gobernuak ezin du beste alde batera begiratzen jarraitu Bildurentzat ezerosoa delako”, nabarmendu du EAJ-PNV Donostiako zinegotzia den Martin Ibabek.

Gai honekiko udal Gobernuak azaldu duen jarrera; ezer ez egitea, alegia, “oso da esangurutsua”, zinegotzi jeltzalearen aburuz, “batez ere kontuan hartuta duela hilabete batzuk udal gobernuak ez zuela inolako oztoporik izan proba moduan Carlos I itxiko zuela iragartzeko, itxierak trafikoan izango zuen eragina egiaztatzeko eta hori guztia ezerezean gelditu denean.” Martin Ibabek uste du hau bezain garrantzitsua den ekimen baten aurrean ezer egin ez izanak “beste behin uzten duela agerian udal Gobernu honek Foru Aldundiarekiko duen menpekotasun maila norainokoa den. Bi erakundeen interesek talka egiten duten bakoitzean, Bilduren balantzak Aldundiaren alde egiten du”.