Esta semana hemos conocido que Xabier Lete Bergaretxe (Oiartzun, 1944) ha sido reconocido con el premio Euskadi de Literatura en euskara, por su libro de poesía "Egunsentiaren esku izoztuak", que en un año va por la tercera edición. Además de los valores destacados por el jurado, su autenticidad y humanidad, su canto al amor, al sufrimiento, al dolor de la culpa, a la compasión y perdón humano y de Dios, son algunas cualidades que brotan de este libro donde Xabier Lete desnuda su ser y se lo ofrece a los lectores y a la cultura vasca. Es una obra en euskara y en euskara ofrecemos la siguiente reseña: 

Aste honetan aurtengo Euskadi Literatur saria Xabier Lete Bergaretxek (Oiartzun, 1944) irabazi duela jakin dugu. "Egunsentiaren esku izoztuak" olerki-liburuan ageri den lana saritu dute, lan horretan Letek daman «klasikotasuna, ahotsaren sendotasuna, aberastasun diskurtsiboa, erritmo eutsian bizi-mina eta bizi-mindura, tradizioarekin solasean" preziatuz.

Albiste ona deritzogu Xabier Leteri azken lanarengatik Euskadi Literatur saria ematea. Negua ate joka dugun honetan, aurki gara guztiok tapa-tapa eginda. Kanpoan, ordea, izadia biluzik geratuko da, larrugorri. Poema-liburu hau negukoa dela esan daiteke, Xabier Lete barrugorri ageri zaigu eta: zauriek eta kulpak urratuta, sufrimenduak zeharkatuta, maitasunak laztanduta, Jainkoaren eta gizakiaren -bereziki Lourdes Iriondo emazte zenaren- errukian eta barkamenean uste ona jarrita, salbamen itxaropena ipinita. Egiaz mintzo da, esan ezin denaren hizkuntza poetikoan, bere egiaz. Gaurko kulturari, Euskal Herrian, egiaren balioa eskaintzea saritzekoa dela pentsatzen dugu.

Gizatasunez kargatuak datoz Xabier Leteren olerkiak, joan zirenenekiko begirunez eta hitz neurtuok begiratuko dituztenekiko sentiberatasunez. Gaurko kulturari, Euskal Herrian, gizatasunaren gozotasuna eskaintzea, saritzekoa dela uste dugu. Bere baitatik eta berez gaindi mintzo da idazlea, maitasunean salbatua izatea nahi eta itxaro duena, sufrimenduaren gurutzetik pasa direnekin bat egiten den Jainkoaren errukian eta barkamenean uste on duena, sinesmenaren eta zalantzaren arteko sokatiran. Izadiak, neguan izozturik, isil-isilik udaberria ernetzen duen bezala, liburu honetan Xabier Letek bizitzari eta maitasunari hots egiten dio, bizitzatik eta maitasunetik, fedetik eta gizatasunetik. Gaurko kulturari, Euskal Herrian, bizi eta maitasun arnas handi bat eskaintzea saritzekoa dela uste dugu. 

Orain urtebete argitaratuta, 3.argitalpenean da "Egunsentiaren esku izoztuak", euskal irakurlegoaren onespenaren seinale. Obra honekin askok irabazi dugu: Xabier Lete olerkien sortzaileak, irakurlegoak, euskal kulturak, Euskadi Literatur sariak berak. Egilea barrugorri eskaini zaigula esan dugu neguaren hotzean. Baina barrugori ere eman zaigu, bizi berriari gorazarrez. Gogoangarriak "Gure aita zeruetan eta herbestean zarena", "Eta zer, Jainkoa" olerkiak, eta liburua borobiltzen duen azkena "Jaso nazazu, maite, azken egunean.../... ni zure erruki handian salbatua izan nadin, salbatuak elkarrekin eta maitasunean glorifikatuak betirako" olerki-otoitzak. Ez dakigu, poema hauek, idazteko beharretik jaio diren baina susmoa dugu, irakurrita, bazela gure artean olerki hauen beharra