Hurrengo urteko maiatzaren 23an izango dira udal eta foru hauteskundeak, eta Azkoitiaren hitzetan, oso eskertuta eta ilusioz hartu du erronka, “ohore handia delako nire herriko alkate izatea”. “Eta ohorea handia baldin bada, ardura ikaragarria da. Herritarroi ez hutsik egiteko ardura, denei tokia egiten saiatzeko ardura, zaintzeko ardura, denontzat ahalik eta erabaki hoberenak hartzeko ardura. Ardura bakoitza konpromisotzat hartzen dut, eta horra dedikatuko ditut nire denbora eta indarrak. Sinesten dut elkarrekin, eta 11.924 pertsona gara, herri hobe bat eraikitzen jarrai dezakegula”.

Ana Azkoitiak alkatetza 2023ko ekainean hartu zuen. Aurreko bi legealdietan Javier Zubizarreta alkate zela, alkateorde eta Ogasun zinegotzi izan zen. Ekonomista lanbidez, banketxe bateko zuzendaritza kargua laga zuen Azkoitiko herriaren alde lan egiteko. Ordutik herrigintzaren alde buru-belarri dihardu.

Uri Batzarraren iritziz, Ana Azkoitiak uztartzen ditu gertutasuna, elkarrizketa, seriotasuna, lana, konpromisoa eta balio jeltzaleak.