Eibarko EAJ-PNVk Toribio Etxeberria kaleko bizilagunen kezkak eta kexak babesten ditu. Azken urteetan, ostalaritzako terrazak goizeko ordutegian jarri eta zabaltzeagatik eta horrek kalean eragiten dituen ondorioengatik duten ezinegona azaldu dute.

Jeltzaleak guztiz bat gatoz bizilagunek helarazitako kezkekin, bereziki eguneko lehen orduan zarata handitzeari, oinezkoentzako segurtasun ezari eta espazio publikoaren erabileraren desorekari dagokienez, hiri-mugikortasuna murriztuz. Gure ustez, Eibarko herritarren bizikidetzari eta ongizateari zuzenean eragiten dion edozein erabaki elkarrizketaren, gardentasunaren eta benetako auzo-partaidetzaren bidez hartu behar da.

Gai horiek guztiak dagoeneko helarazi dira Udalean. EAJ-PNVk espero du Hirigintza Sailak lehenbailehen jardutea edozein ezbehar gertatu baino lehen, arriskutsua iruditzen baitzaigu mahaiak eta aulkiak banaketako auto eta furgoneten artean jarrita egotea, eta ez lukete hor egon behar.

Gobernu Taldearen barruan dugun posiziotik, berriro diogu jarduera ekonomikoa eta eguneroko bizitza bateratu egin behar direla eta ez direla gatazkan sartu behar. Hori dela eta, hilabeteak daramatzagu gure gobernu-kideari honakoa eskatzen: berrikusi ditzala Toribio Etxeberriko goizeko terrazetarako emandako baimenak, eta ziurtatu dadila udalerriko  terrazetarako udal-ordenantzak zorrotz betetzen direla, araudia zuzen aplikatuz, gure kaleetako mugikortasuna eta segurtasuna arriskuan jartzen duten egoerak saihesteko.

Jeltzaleen konpromisoa argia da: negozioen, trafikoaren eta oinezkoen arteko oreka bermatuko duten kaleak defendatzea eta bermatzea, azken horientzat lehentasuna emanez eta udal politikak interes orokorrarekin lerrokatuko direla bermatuz, ez gutxi batzuen erabakiekin edo interesekin.

Bestalde, Toribio Etxeberria eta Zuloagatarren behin betiko oinezkoentzat jartzea defendatzen jarraitzen dugu. Lehenik eta behin, El Corte Ingleseko aparkalekua berreskuratu ondoren, aparkalekuak egokituko ditugu.

EAJ-PNVtik Eibarko bizilagunei entzuten jarraituko dugu eta haien eskaerak entzun, aintzat hartu eta aztertzeko neurriak hartuko ditugu.