Urriaren 29an Batzokian egin zen batzarrean Getariako EAJ-PNVk datozen bi urteetarako Uri Buru Batzar berria aukerau zuen. Parte hartze eta konpromiso giroan Aitor Urresti aukeratu zuten lehendakari gisa.

Harekin batera, Maite Lopez diruzaina izango da eta Amagoia Ezenarro idazkaria. Karmele Azkuek, Itziar Etxartek, Iñaki Solozabalek eta Ioritz Ezenarrok osatuko dute taldea, eta zuzendaritza berrituko kide aktiboak izango dira.

Jeltzaleek azpimarratu dute batzar berri honek jarraipena eta berrikuntza uztartzen dituela, eta aldi berean, Getarian talde jeltzalearen presentzia eta lana indartzeko, herritarrekin harremana estutzeko eta proiektu politiko egonkor, hurbil eta herriaren ongizatearekin konprometitua bultzatzen jarraitzeko helburuarekin ekingo diotela.

Getariako EAJ-PNVk eskerrak eman dizkio zuzendaritza zaharrari egindako lanagatik eta datozen urteetako erronkei aurre egiteko esparru politiko indartsu, ireki eta prestatua eraikitzen jarraitzean jartzen du arreta.