Donostiako Udalak onartu du Euskal Autonomia Erkidegoko Administrazio Orokorrari zuzenean lagata hiru lurzatiren jabari osoaren titulartasuna eskualdatzea, udalerrian zuzkidura-etxebizitza berriak sustatzeko hitzarmena betetzeko.

Eneko Goia alkateak gogorarazi duenez, "izapide honi esker, hiriko zuzkidura-etxebizitzen parkea handitzeko bidean aurrera egin ahal izango dugu, zailtasun gehiago dituzten kolektiboei zuzendutako etxebizitza eskuratzeko eskaintza handituz".

Loiolako Erriberako g.0007 lurzatiak eta Morlans Beherako G-1 -g.000/AM.09.1 eta G-4 g.000/AM.09.4 lurzatiak dira. Lursail horietan 240 zuzkidura-etxebizitza berri eraikiko dira.

Lagapena etorkizunean lurzati bakoitzaren eskritura publikoak formalizatuz gauzatuko da, EAEko Administrazio Orokorrak zuzkidura-etxebizitzetara bideratzea ahalbidetzen duten plangintza xehatuko dokumentuak izapidetu eta behin betiko onapena lortzen duen heinean.