Gipuzko Buru Batzarra

Berriak

Ezagutzera eman
2023/01/25

Irmo gaitzesten dugu Ibarrako Juan Luis Cid zinegotziaren aurkako erasoa

Ibarrako EAJ-PNV

Atzo arratsaldean, Juan Luis Cid, 66 urteko EAJko zinegotziari eraso egin zioten kalean, Ibarran. Inolako arrazoirik gabe, erasotzailea iraintzen hasi zitzaion eta ukabilkada bat eman zion aurpegian eta ostikada bat urdailean, EAJren aurka inproperioak jaurtitzen ari zela, erasoa ezer egin gabe ikusi zuten herritarren aurrean.

Gertakari horien aurrean, EAJk bere gaitzespen irmoa adierazi nahi du; era berean, horrelako gertaerak eragiten dituzten jarrerak arbuiatzen ditu.

Denbora luzez, Ibarrako EAJko zinegotziek hutsak, irainak eta begirada txarrak jasan dituzte, eta, orain, eraso hori izan da edalontzia bete duen tanta. Horren adibide argia da gure herrian, gure gizartean, oraindik ere badirela pentsamolde ezberdinak batera egotea onartzen ez dutenak; zenbaitek pentsamendu bakarra inposatu nahian jarraitzen dute; eta hori onartezina da. Jarrera horiek ez dute lekurik Ibarran, eta behingoz amaitu behar dute. Pertsona guztiak errespetatzea eskatzen dugu, haien ideologia, militantzia edo kidetasun politikoa edozein izanda ere.

Ezagutzera eman

Nabarmenak...

Berri ikusiagoak...

YouTube