Pasaiako San Pedro barrutian zegoen Proisa enpresa zaharraren lekuan espazio balioaniztun berria eraikitzeko lanak aste honetan hasiko dira. Hala iragarri du Loreto Osa Hirigintza zinegotziak eta EAJko alkategaiak eta, uda aurretik prest izango den espazio berriaren garrantzia nabarmendu du: “Obra horiei esker, pasaitarrok San Pedron estalitako leku berri bat izango dugu, eta ez dugu meteorologiaz arduratu beharko etxeko nagusientzako zein txikienentzako jarduerak antolatzeko. Gozatzeko eta esperientziak partekatzeko leku bat egokituko dugu, San Pedro pilotalekuaren atzealdea estaliz”.

Jaizubia Obras y Servicios SL enpresak burutuko ditu Proisako eraikin zaharraren orubeko obrak,  252,330,45 euroko (BEZa barne) aurrekontuarekin.