Gipuzko Buru Batzarra

Berriak

Ezagutzera eman
2022/11/17

Gonzalo Carrion Insausti izango da Hondarribiko EAJ-PNVren alkategaia

Hondarribiko EAJren Batzarrak aho batez aukeratu du Gonzalo Carrion Insausti, “Txalo”, 2023ko udal hauteskundeetarako zerrendaburu..
Gonzalo Carrion Insausti izango da Hondarribiko EAJ-PNVren alkategaia

Horrela, etapa berri bat ireki da eta alderdiak Carrioni Hondarribiaren etorkizuneko erronkei modu irmoan erantzuteko lidergoa gidatzeko konfiantza adierazi dio.

Prentsaurrekoan, EAJren Uri Buru Batzar osoarekin batera*, Gonzalo Carrionek erronka hau “ilusioz eta arduraz” hartzen duela adierazi du, eta “hondarribiarren ongizatea eta bizi-kalitatea bermatuko duen hiri erakargarri baten alde” lan egiteko konpromisoa hartu du.

EAJk konfiantza osoa jarri du Gonzalo Carrionengan pertsona erabakitzailea delako, erabakitzeko eta ekiteko duen gaitasunari esker. Gainera, bere esperientziak, bai udalean, bai enpresa pribatuan, hala bermatzen dute. Bere marka propioaren ezaugarriak gertutasuna eta umiltasuna adierazten dute.

Hondarribian bizitzeko, lan egiteko eta gozatzeko aukera berriak

Gonzalo Carrionek gaurtik bertatik jorratuko dituen lehentasun nagusiak azaldu ditu, eta bere konpromisoa Hiri Antolamenduko Plan Orokorraren tramitazioa azkartzea eta, lehenbailehen, Hondarribian bizitzeko, lan egiteko eta gozatzeko aukera berriak zabalduko dituen tresna bat izatea da.

2023tik 2027ra bitartean, etxebizitza pribatu, publiko eta sozialen eskaintza handituko dugula adierazi du. “Gure lehen sektorearen, ostalaritzaren eta merkataritzaren garrantziaz jabetuta, jarduera ekonomikoa dibertsifikatzearen alde egiten dut. Eta bide batez, enplegua eta ekonomia indartzeko helburuz, jarduera industrial eta teknologiko berri baten bila lan egitea garrantzitsu deritzot.”

Gainera, premiazko beste behar batzuk ere badaude, hala nola parkinga eraikitzea, zeinaren proiektu teknikoa arindu egingo baitut, jakina, auzo, kale eta plazetako oinarrizko zerbitzuak mantentzeak eta zaintzeak merezi duen erritmoa alde batera utzi gabe. Parking horrek Hondarribiko bizilagunei aparkalekua erraztuko die, eta aldi berean, bisitarien aparkalekua antolatzen eta ostalaritzako eta merkataritzako kontsumoa modu erosoago eta iraunkorragoan dinamizatzen lagunduko du. Azpiegitura berri horri esker, Bentako eremua libratu ahal izango da, gizarte osoaren gozamenerako plaza bihurtzeko.

Ez dut ulertzen arimarik gabeko herri bat. Beti egin dut amets beren nortasunean sinesten duten pertsonekin. Hondarribia bertakoa izatearen harrotasunaren adibide da, eta ondare immaterialaren balioa landu beharreko zerbait da. Euskarari buruz, gure historiari buruz edo ingurune naturalari buruz ari naiz.  Benetakoak, bakarrak eta errepika ezinak diren alderdiak dira. Horregatik zaindu nahi ditut.

Ilusioz beterik nago irekiko dugun kontraste- eta partaidetza-prozesuarekin, pertsonen eta elkarteen inplikazioa eta lankidetza beharrezkoak izango baitira gure etorkizuna diseinatzeko.

Hondarribia eginez 2023-2027 bulego berria zuzeneko herritarren partaidetzarako

EAJk parte hartze prozesua bultzatuko du gaurtik aurrera, herritar guztientzat irekia, Hondarribiaren etorkizunaren diseinuan iritziak eta ekarpenak jasotzeko.

Matxin Arzu kalean bulego berri bat zabaldu du (anbulategiaren aurrean), eta bertan herritarren zein elkarteen bisitak jasoko dira, izaera publiko zein pribatukoak izan daitezkeen topaketekin. Prozesu horrek aurrez aurreko komunikazio-bide telematikoak ezarriko ditu, eta telefono bat jarriko da hautagaiarekin whatsapp bidez harremanetan jartzeko.

Gonzalo Carrionek, Txalok, alkategai gisa egin duen aurkezpena izan da bulegoaren lehenengo ekitaldia, eta laster emango dira ezagutzera hartuko duen jardueraren eta Hondarribia eginez 2027 prozesuaren nondik norakoak.

* Gonzalo Carrionen aurkezpenean EAJren Uri Buru Batzarrak parte hartu du. Batzordeko burua Xabier Zabala izan da (presidentea), eta honako hauek osatu dute: Maria Aguirre, Amaya Gezala, Larraitz Gezala, Mikel Labayen, Peio Lapitz, Jose Ramón Mutuberria, Iñaki Ocio, Maiaia Urrutia eta Alaitz Zabala.

Ezagutzera eman

Nabarmenak...

Berri ikusiagoak...