Irungo EAJ-PNVtik, Irunen bizi genuen ilara amaigabeen egoera jasanezinaren ondorioz, eta Alkateak eta bere gobernuak Irungo Udalean adierazpen instituzional bat egiteko zuten interesa ikusita, landu zuten proposamena aztertu ondoren, Espainiako Gobernuari zuzendutako puntu bat eransteko eskaera luzatu genien. Mugez, Frantziako bidesariez eta jendarmeriaren kontrolez, Frantziako Gobernuarekin hitz egiteko ardura berarena baita.

Harrigarria eta sinestezina da, urteak boterean daramatzan Irungo Alkateak, hiriak zituen benetako premiez eta horiek behar bezala kudeatzeko moduez ez jabetu izana. Eta, bizi genuen egoera horren aurrean, nahiago izan du Gipuzkoako Foru Aldundiari soilik erantzukizunak eskatu, eta honekin eztabaida hutsetan sartzea

Tamalez, beste behin ere, argi geratu da Irungo Alkatearen asmoa. Irungo herritarren ongizatea lehenetsi beharrean, nahiago izan du, irundarroi ezinegona eta haserrea eragin digun trafiko arazo bat politikoki eta alderdikeriaz erabili. Irunek zerbait gehiago merezi du.

Halaber, eta amaitzeko, maila instituzional desberdinekin dugun etengabeko lankidetza azpimarratu nahiko genuke, Euskadin zein Madrilen, betiere Irunen eta bere pertsonen ongizatea lehenetsiz.