Gipuzko Buru Batzarra

Berriak

Ezagutzera eman
2022/07/06

EAJ-PNV pozik dago udal gobernuak Miguel Ambulodi kalean aparkalekua egokitzen hasiko delako

Azkenik, gobernuak auzokideen eskaera eta gure proposamena entzun ditu
EAJ-PNV pozik dago udal gobernuak Miguel Ambulodi kalean aparkalekua egokitzen hasiko delako

Irungo aparkalekuaren arazoa konpontzeko, irizpide argiak, hiriko aparkalekuen kudeaketa eta aparkalekuen eskaintza kontuan dituen aparkalekuen plan bati ekin behar zaio. Urteetan zehar, EAJ-PNVtik hiriko hainbat auzotan lur gaineko aparkaleku poltsak sortzeko ideia defendatu dugu.

Urteotan, esaterako, Artian (Harrobieta kalean) eta Belasko Enean (Arturo Campion kalean) lur gaineko aparkalekuak eraikitzea proposatu eta negoziatu dugu Udal Gobernuarekin. Halaber, bazeuden aparkalekuak egokitzea eta hobetzea ere proposatu eta adostu dugu, hala nola Alarde kalean eta Pintor Berroeta kalean. Tamalez, oraindik, auzo askotan ez dago aparkalekurik, eta ibilgailu partikularra aparkatzeko leku bat aurkitzea odisea hutsa da.

Horietaz gain, gure taldetik beste hainbat neurri landu eta proposatu ditugu, batzuk epe laburrera eta beste batzuk epe ertainera. Adibidez, Migel de Ambulodi kaleko (Txenperenea) behin behineko aparkalekua egokitzeko ekimena. Proposamen guztiz bideragarria, eta 2020ko Aurrekontuari atxikitzea proposatu genuena. Are gehiago, jakinez, 125.000 euroko zenbatespen ekonomikoa zuela. Zoritxarrez, udal gobernuak ez zuen onartu, nahiz eta hurrengo kreditu aldaketan zenbateko ekonomiko bat emateko konpromisoa hartu zuen. Hala ere, udal gobernua jarduera hori atzeratzen joan da, eta ez zuen zegokion partida sartu ez 2021eko aurrekontu proiektuan ez urte bereko uztaileko kreditu aldaketan ere.

Gaur, ordea, azkenean, bi urtez tematu ondoren, gobernuak IRUNVIra eraman du, Udalari lurrak aldi baterako lagatzeko eskaera, Miguel Ambuloditik sarbidea izango duen eta Diana kalearen atzealdean ezarriko den behin behineko aparkaleku bat jartzeko. Berri on bat, noski, espero dugu inguruko bizilagunek laster aparkatzeko gune egokiaz gozatzeko aukera izatea.

Ezagutzera eman

Nabarmenak...

Berri ikusiagoak...