Astiñeneko zubi berria eraikitzeko proiektua LKS Ingenieria eta Ingenieria Zero UTE delakoak idatzi zuen, eta egungo zubiaren ondoan kokatuko da. Horretarako, Donostiako Udalak Kostaldearen eta Itsasoaren Jasangarritasunaren Zuzendaritza Nagusiari baimena eskatu behar izan zion itsaso eta lehorraren arteko jabari publikoko ondasunetatik 1.727m2 okupatzeko.

Zubi berriak ez du zutaberik izango ibaian eta, ondorioz, ubidea hobetuko da eta ur-goraldiak izaten direnean uholdeen arriskua ekidingo da. Horrenbestez, eta kontuan hartuta Espartxoko zubia ere exekuzioan dagoela, Urdintzuko zubia izango da Urumeak Donostian duen oztopo hidrauliko bakarra. 

Larramendi oinezkoentzat

Tokiko Gobernu Batzordeak onartu du Larramendi kalea Urbieta eta Prim kaleen artean oinezkoentzat bihurtzeko lanak egiteko proiektua. Udaletxeko Bide Publikoetako Zerbitzuak idatzi du proiektua, 199.961 euroko aurrekontua du eta enpresa esleipendunak 2,5 hilabeteko epea izango du lanak egiteko.

Iztueta

Tokiok Gobernu Batzordeak INSE RAIL enpresari segidako kontratua esleitu dio: Iztuetako beheko pasabidea egitearen ondorioz berriz jarri beharreko instalazioen gaineko proiektua idazteko (segurtasuna, telekomunikazioa eta elektrifikazioa) kontratua. Eta kontratu honen prezioa 46.585 eurokoa da, eta enpresa esleipendunak 2 hilabete izango ditu proiektua idazteko.

Horrenbestez, Udalak egungo beheko pasabidearen estrukturan konponketak egingo ditu, izan ere, egoera txarrean dago eta, ondorioz, pasabidea itxi behar izan zuten. Horretarako, hainbat arku eta trenbideen gaineko hormigoia berrituko du.

Euskara diru-laguntzak

Tokiko Gobernu Batzordeak oniritzia eman dio udako ikastaroetan euskara ikasi duten pertsonei diru-laguntzak emateko. Horrenbestez, 18.607 euroko diru-laguntza onartu du. Eta kopuru hau eskatzaileen artean banatuko da, eta betiere, kontuan hartuta, eskatzaile bakoitzak ezin duela matrikularen %55 baino gehiagoko diru-laguntza jaso.