Joseba Egibar eta Arantxa Tapia, EAJ-PNVren hautagaitzako beste kideekin batera, Eskoriatzako Patés Zubia enpresa bisitatu dute non familien enpresei babesa erakutsi dieten Euskadiren industria jarduerari egin dioten ekarpena dela eta.

Arantxa Tapiak adierazi du Euskadiko enpresetan kudeaketa eredu ezberdinak daudela, tartean aitzindari den ekonomia soziala. Gainera, EAJ-PNVko hautagaiak familien enpresek lurraldean izan duten tokia nabarmendu du horietan ekintzailetza izaera, berrikuntzarako jarrera eta, batez ere, herrietan inplikazio eta konpromisoa berezia eta argia erakutsi dutelako.

Enpresa guztietan, produktuen eta zerbitzuen kalitatearekin bezala, enpresen kudeaketa bereziki zaindu beharreko alderdia da, horretara denbora eta baliabideak bideratuz, adierazi du Tapiak.

Familien enpresak kontuan hartuta, hautagai jeltzaleak dio “familien enpresetan, ohikoak diren arazoaz gainera, arazo espezifikoak badituzte, gehienetan enpresaren jarraipenean belaunaldiz-belaunaldi areagotzen dena”.

EAJ-PNVren ustez familien enpresei arreta berezia zor zaie eta gizartean betetzen duen lana aitortzea  beharrezkoa da inguruko enpleguaren egonkortasunerako eta konpromisorako berme direlako.

Hori dela eta, EAJ-PNVren egitasmoak ekonomia sozialeko enpresa ereduak edota langileen parte hartzea sustatzeko ekimenak aurreikusten ditu.