“Alkateak eman beharreko lehen erantzuna honako hau da, zer baldintza ekonomikotan burutu den Carlos I.aren bidearen tarte baten eskualdatzea”,adierazi du Eneko Goiak. “Kasu hauetan hitzarmen bat sinatu egiten dute Foru Aldundiak eta eskualdatutako errepidearen zatia jasotzen duen Udalak. Hitzarmen horretan, beste kontu batzuen artean, Aldundiak errepidearen zati hori mantentzearen eta egoki edukitzearen ardura hartzen duen administrazioari eman behar dion mugatzen da”, azaldu du Goiak.

“Lagapena gertatu eta bi hilabetetara horrelako hitzarmena egin delako berririk ez dugunez, pentsatu behar dugu udal Gobernuak debalde jaso duela errepidearen zati hau, hots, Aldundiak ez duela inolako konpentsaziorik eman. Hau da, duela bi urte Añorgan eta Loiolan gertatu zen gauza bera. Hau hala balitz, gehiegizkoa litzateke, baita udal Gobernu honek Aldundiarekiko duen men egiteko joera kontuan hartuta ere”, nabarmendu du bozeramaile jeltzale donostiarrak.

“Eta jakin ere ez dakigu zer ondorio izango duen Carlos I.aren bidearen tarte garrantzitsu horren jabetzaren eskualdatzeak zubi-bide hori kentzeko proiektuaren definizioan. Pentsatu behar dugu, Carlos I. osoa Aldundiarena ez denez, Udalak bere gain hartu beharko duela etorkizunean egin beharreko lanen kostuaren parte bat? Donostiarrei azaltzen zaila litzateke hori”, adierazi du Goiak.