Gipuzkoari dagokionez, argi eta garbi ageri den funtsezko informazioa da, bi ereduen arteko talka gogorra izango dela: EAJ-PNV eta Ezker Abertzalearen artekoa, alegia. Ez dago gobernatzeko beste aukerarik. Egunerokoa gero eta itxiagoa da.

2011ko udal eta foru hauteskundeetan, EH BILDU (Bildu gehi Aralarrek) botoen %36,66a batu zuten Gipuzkoan, EAJ-PNVk %23,52a lortu zuen. %16,13ko abantaila ateratzen ziguten garai hartan. Orain, ordea, etengabe eta pixkana murrizten ari da alde hori. Inkesta horren arabera, gaur egun Ezker Abertzaleak %32,9 batuko luke eta %25,8 EAJ-PNVk; hau da, gaur bertan, %7,1eko aldea aterako lioke EAJ-PNVk, 2011an %16,13 ateratzen zion; eta 4 batzarkidera egongo litzateke, ez gaur egungo bederatzira. Alderdi konstituzionalistek, berriz, krisi latza ari dira jasaten eta Podemosek botoen %8,2a eskuratuko luke.

Donostian, are gogorragoa da Ezker Abertzalea eta EAJ-PNVren arteko lehia. Ezker Abertzalea eta Eneko Goia buru duen proiektuaren arteko aldea %3,8koa da bakarrik. 8 zinegotzi lortuko lituzke Ezker Abertzaleak eta 7 EAJ-PNVk. Sekula baino aukera handiagoa dago Donostian hauteskundeak irabazteko. %28,58tik %25era jaitsiko litzateke EHBILDU eta %17,93tik %21,20ra igoko litzateke EAJ-PNV, %10,65etik %3,8ra jaitsiz bien arteko aldea.

Gipuzkoarrek bi ereduen arteko aukera egin beharko dute: inposizioa ezaugarri duen Ezker Abertzalearena ala elkarrizketa eta adostasunean oinarritutako EAJ-PNVren eredua; errealitatetik urruntzen den proiektua ala Gipuzkoarentzat oparotasun, konfiantza eta segurtasuneko etorkizunaren bila dabilen proiektua.

Horretarako lanean segitu beharko dugu orain arte bezala; herriz herri; ilusioz beteriko lantalde handi bat bezala, jende guztiari adituz, umiltasun eta seriotasunez. Gero eta gertuago dugu helburua.