Gipuzko Buru Batzarra

Berriak

Ezagutzera eman
2014/11/05

Gaurko soziometroak berresten du EAJ-PNV dela Donostian Bildu ordezkatzeko benetako aukera

Eneko Goiak adierazi duenez “emaitza hauek adoretzen gaituzte hiri osoan garatzen ari garen lanarekin jarraitzeko, hau da, Bilduren diskurtso dogmatikoaren eta alderdikoiaren aurrean Donostia anitza eta irekia sustatzeko gauza izango den Udalerako hautagaitzaren aldeko indarrak batzen jarraitzeko”.
Gaurko soziometroak berresten du EAJ-PNV dela Donostian Bildu ordezkatzeko benetako aukera

Donostiako EAJ-PNV udal taldearen bozeramaile, Eneko Goiak, uste du gaur Eusko Jaurlaritzak argitaratu duen Soziometroaren emaitzak “berresten duela hirian izandako azken hauteskundeen emaitzek azaldu dutena: EAJ-PNVk gora egiten jarraitzen du 2011etik eta Donostian Bildu ordezkatzeko benetako aukera dela”.

“Atzetik datorren joera da hau,duela zenbait hilabetetan Europarako hauteskundeetan ikusi ahal izan genuena eta gaur ere agerian gelditu dena. Ez da egun bateko lorea eta zera adierazten du 2015eko maiatzean alkatetza lortzeko lehia Bilduk eta PNVk izango dutela”, nabarmendu du bozeramaile jeltzale donostiarrak.

Eneko Goiak Soziometroaren gaurko emaitzak “inkestak beti hartu behar diren zuhurtziaz” hartu ditu, baina aldi berean pentsatzen du “emaitza hauek adoretzen gaituztela hiri osoan garatzen ari garen lanarekin jarraitzeko, hau da, Bilduren diskurtso dogmatikoaren eta alderdikoiaren aurrean Donostia anitza eta irekia sustatzeko gauza izango den Udalerako hautagaitzaren aldeko indarrak batzen jarraitzeko”, amaitu du Goiak.

Ezagutzera eman

Nabarmenak...

Berri ikusiagoak...

YouTube