EAJ-PNVko Gipuzko Buru Batzarrak salatu duenez, Oñatiko batzokiaren fatxadan pintada berriak egin dituzte, esker abertzaleak Gipuzkoa defendatzeko eredu berria aipatzen duen horretan bart Oñatin, alderdi politiko baten egoitzan gertatutakoak zentzurik ba ote duen galdetzen du.

GBBk azpimarratu duenez, Oñatin azaldu diren pintada horiek bezalakoak - Ertzaina baten irudiaren ondoan Garai Berriak? (nuevos tiempos) irakur daiteke – “ez dute batere laguntzen Euskadiren garai berrian aurrera egiten”, “errespetu, bake eta elkarbizitzako eskenatokiarekin bat ez datozelako inola ere” adierazi du.

Hori dela eta, ezker abertzaleari gogorarazi dio, bide politiko eta demokratikoak soilik erabiltzea, “ez datorrela bat, inola ere” alderdi politiko baten egoitza erasotzearekin, eta horregatik, ekimen horietatik urrun dagoela argi eta garbi adieraztea eskatu dio. Eraso horien aurrean, bakea eta elkarbizitza lortzeko lanean segitzeko konpromisoa azaldu du EAJ-PNVk.