Donostiako EAJ-PNV udal taldeak interpelatuko du hurrengo astelehenean Kiroletako eta Garapen Ekonomikoko zinegotzi ordezkariari, Josu Mirena Ruizi, azal dezan Pertsonentzako Zerbitzuetako udal Batzordean zer dela-eta “erabaki zuen udal gobernuak Cervantes plazan kokaturiko turismoari buruzko informaziorako bulegoa abuztuan ixtea, hori bezalako zerbitzu baten eskabidea handiena den hilabetean, hain justu. Uda sasoian bulego hori itxi izanak hiriaren eskaintza turistikoaren gaineko informazioa nahi zuten pertsonek Bulebarreko bulegora jo behar izatea eragin zuen, eta han bisitarien emanak sekulako ilarak sortu zituen.”, nabarmendu du EAJ-PNVko zinegotzia den Juan Ramón Vilesek.

“Turismoa giltzarria da Donostiako ekonomiarako, eta baita hiriaren irudiaren proiekziorako ere. Horregatik , bisitatzen gaituzten pertsonei bera bezalako harrera egiteko eta atentzioa emateko bitarteko egokiak bideratu behar dituzte udal zerbitzuek. Donostiak bisitatzen gaituzten turistak mimatu behar ditu eta ez atenditzeko bitartekoak zuhurtu”, adierazi du EAJ-PNVko zinegotzia den Juan Ramón Vilesek.