EAJren batzarkide-taldearen bozeramaile Markel Olanok gaur goizean hitz egin du Kutxako patronatuaren patrono delakoen aukeratze-prozesuari buruz: “Batzar Nagusietan atzo hartu genuen erabakia oso garrantzitsua da, bai Gipuzkoan Kutxa duen parte-hartzearen ikuspegitik, bai demokraziaren ikuspegitik”. Horren harira, Olanok honakoa esan du: “Ezker abertzaleak prozesuari egin dizkion kritikek ez dute ez hanka ez buru. Izan ere, ezker abertzaleak ezin du gehiengo absoluturik izan Kutxako patronoak direlakoak aukeratzeko, Batzar Nagusietan %43ko ordezkaritza duenean”.

Hortaz, batzarkide-talde jeltzalearen bozeramailearen ustez, orain aukeratze prozesua demokratikoa, adierazgarria eta bidezkoa da. Izan ere, Bilduk 22 batzarkide ditu – guztira 51 batzarkide daude – eta, ondorioz, Kutxako patronatuan 6 ordezkari izango ditu – guztira 14 ordezkari dira –. Orain arte Bilduk ordezkari gehiegi izan ditu eta banaketa berriak erakusten du orain arte Bilduk legean oinarritutako ordezkaritza izan duela, baina ez legitimitatean oinarrituako ordezkaritza.

Hori dela eta, Markel Olanok ezker abertzaleari eskatu dio, gogor kritikatzeari uzteko eta gainera alderdiekin elkarlanean aritzeko Kutxa bultzatzeko eta Gipuzkoan gehiago parte-hartzeko.