Donostiarako Kirol Ekipamenduen Planean aurreikusten diren bi aktuazio bakarrak (Atano III frontoiaren fatxada eta sabaia eta Benta Berriko kiroldegiko aldagela berriak) “ez dituzte inola ere asetzen milaka donostiarrek erabiltzen dituzten instalazio askok behar dituzten eraberritze lanak eta hobekuntzak. Ez dugu ahaztu behar hirian Kirol Txartela erabiltzen duten 50.000 pertsona daudela eta horiei gaineratu behar zaizkie Donostiako instalazioetara kirola egitera etortzen diren inguruko bizilagunak. Tamaina handiagoko hobekuntza plan bati ekiteko aukera ari da galtzen; euria ari duenean erabil litezkeen estali gabeko frontoi dezente estaltzea, kasu”, nabarmendu du Ibabek.

Donostiako jeltzaleek ohiko mozio bat aurkeztuko dute hurrengo Osoko Bilkuran Udalbatzak eska diezaion Gipuzkoako Foru Aldundiari “Gipuzkoa osatzen duten udalerrien pisu demografikoaren arabera bana ditzala diru ekarpenak eta zuzen dezala Kirol Ekipamenduen Planak duen Donostiarekiko desoreka, erabiltzaile kopururik handienengana iritsi ahal izateko”.