Nagore Alkorta alkateak zuzendutako Udalak Berdura Plazako Aretoa utzi dio Urola Erdiko Gazte Asambladari, “Zergaitik ACAB (polizia guztiak bastardoak dira)?” izeneko hitzaldia egin dezan.

Egia da espazio hori azpeitiarrek erabiltzeko dela, baina guztiz ulertezina gaztetxeko kideak (gehiengo bat GKS-koak dira), Azpeitian dituzten aurrekariekin, udaltzainak  erasotu eta gero, orain, udal lokal bat uztea hura bezalako ekintzak justifikatzen jarrai dezan. Benetan arriskutsua den indarkeria justifikatzeko zurrunbilo batean sartzen ari gara, eta onartezina da Udalak ezer gertatuko ez balitz bezala jarraitzea.

Orain dela gutxi, “Azpeitiko Udalak berretsi zuen bizikidetzaren aldeko apustua, eta adierazi zuen hura hautsi nahi duten ekintzen aurrean ez duela atzerapausorik emango. Non geratu da konpromiso hori? Herri honek denbora luzeegian jasan du indarkeria eta horren ondorioak jasaten jarraitzen du.