Sutea gertatu zenetik, sauna eremua eta hari lotutako beste zerbitzu batzuk itxita daude, eta oraindik ez dira konponketa-lanak hasi, ezta halako egoera batean aplikatu beharreko premiazko prozedura martxan jarri ere.

Denbora honetan guztian, ehunka erabiltzailek kuotak osorik ordaintzen jarraitu dute, zerbitzu guztiak erabili ezin izan dituzten arren, eta horrek egoera bidegabea sortu du herritarrentzat.

EAJ-PNVk azpimarratu duenez, “zerbitzu publiko bat osorik eskaintzen ez denean, Udalak eragindako kaltea aitortu eta modu proportzionalean konpentsatzeko betebeharra du”. Udal taldearen ustez, neurri hau justiziazkoa eta arduratsua da.

Osoko bilkuran eztabaidatuko den mozioak, halaber, Udal Gobernuari eskatzen dio hilabeteko epean honako hauek aurkez ditzala: instalazioen egoerari buruzko txosten zehatza, obrak egiteko egikaritze-egutegi argia eta erabiltzaileei aplikatuko zaien
konpentsazio ekonomikoaren formula.

“Ez da soilik instalazio bat konpontzea; urtebetez zerbitzu gutxiago jasota kuota bera ordaindu duten erabiltzaileak errespetatzea da kontua”, adierazi dute EAJ–PNVtik.