ZUREKIN aldizkari honetan, Soraluzeko EAJ-PNVren udal taldeak udal gobernuaren kudeaketaren inguruko hausnarketa eta informazioa eman nahi du, baita talde jeltzaleari esker aurrera atera ahal izan diren proiektuez hitz egin ere, hala nola Baltegietako zonaldea (SAPA eta Gabolatseko zubia) eta Plaentxi ikastetxeko igogailua. Gainera, agintaldi erdiko balantzea egin dute, eta oposizio eraikitzailea, arduratsua eta udalerria hobetzen duten proposamenak egiten dituena nabarmendu dute. Era berean, udal gobernuak, EH Bilduren eskutik, plangintzarik ez izatea deitoratu dute.

Aldizkariak, gainera, EAJ-PNVk Soraluzen duen udal taldeari egindako elkarrizketa bat dakar. Bertan, oposiziotik egindako lana, proposamenak eta defendatzen duten udalerri eredua azaltzen dituzte.