Talde jeltzaleak adierazten du herritarren elkarbizitza eta segurtasuna defendatzeko ezinbestekoa dela Ertzaintzaren eta udaltzaingoen lana, eta irmoki gaitzesten ditu azkenaldian polizia autonomikoaren aurka izaten ari diren erasoak.

Oiartzungo EAJ-PNVk kezka agertzen du azken asteetan Ertzaintzaren aurkako jarrera eta interferentziak ugaritzen ari direlako. Gogorarazten du segurtasun-indarrek funtsezko eginkizuna dutela herritarren ongizatea eta legeen betearaztea bermatzeko, eta, beraz, beharrezkoa dla haien lana errespetatu eta babestea.

Halaber, EAJ-PNVk deia egiten die gainerako alderdi politikoei polizia-indarren aurkako indarkeria mota oro gaitzesteko eta elkarbizitza eta errespetuaren oinarrian oinarritutako adostasuna bilatzeko. Taldeak azpimarratzen du Ertzaintzaren eta udaltzaingoaren lana defendatzea eta segurtasun publikoa babestea funtsezkoa dela bai Oiartzunen, bai gure demokrazian.

Oiartzungo EAJ-PNVk, bere adierazpen publiko honen bidez, berriro adierazten du Ertzaintzaren eta udaltzaingoaren lana babesteko eta herritarren elkarbizitza sendotzeko duen konpromisoa.