Urnieta eta Lasarte-Oria lotzeko Gipuzkoako Foru Aldundiak eraikiko duen bidegorria errealitate bihurtzetik gertuago dago. Uztailaren hasieran garraio jasangarria erraztu eta indartuko duen azpiegitura berri hori gauzatzeko proiektua onartu ondoren, duela gutxi eraikuntza-lanak lizitatu dira. Lizitazioaren oinarrizko aurrekontua 1,6 milioi eurokoa da (BEZa barne).

Horrela, prozesuak aurrera jarraitzen du eta lanak aurten bertan has daitezke. Bidegorri berriak 1,2 kilometroko luzera izango du, eta oinezkoentzako zein txirrindularientzako espazio segurua eta irisgarria eskainiko du.