Gorka Álvarez Aranburuk urtebete bete du gaur, uztailak 9, Irungo EAJ-PNV Udal Taldeko bozeramaile gisa. Xabier Iridoyk ibilbide luzea egin ondoren, Gorka Álvarezek "benetako ohorea" izan den rola hartu zuen 2024ko udan eta orain lehen urtearen balorazioa egin du.

Hamabi hilabete hauetan hainbat aldaketa izan dira EAJ-PNVren Irungo proiektu politikoan; Xabier Iridoyk, Urkiri Salaberriak eta José Enrique Corchónek ordezkari kargua utzi zuten Irungo Udalean beste erronka batzuk onartzeko eta Maite Cortina, Irene Kastezubi eta Carlos Martín sartu ziren udal taldean. "Aldaketa garrantzitsuak izan ditugu proiektua indartu duten profil berrien sarrerarekin. Pertsona horiek Irun hiri hobea izateko helburuarekin sartu dira. Gainera, komunikazioan aldaketa berriak egitearen alde egin dugu, politika herritarrengana gehiago hurbiltzeko eta irundarrekiko harreman pertsonala hobetzeko".

Irungo EAJ-PNVk eta Irungo Sozialistek Gobernu akordioa sinatu zuten urtarrilaren amaieran Irunen aurrera pausoak emateko. "Bozeramaile gisa sartu nintzenetik akordio handiak bilatu ditugu hiriari egonkortasun politikoa eskaintzeko eta proiektu estrategikoetan aurrera egin. Hilabete batzuk geroago eta aurrekontuak inflexio puntu izanda lehenengo proposamenak ez baitzuen hiriari buruzko ikuspegi orokorrik jasotzen, azkenean, Irungo Udalean koalizio itun bat egin genuen, beti ere irundarren egunerokoa hobetzeko asmoz". Bost hilabete hauetan, herritarrek "gure taldeak gobernatzen ditugun arloetan egiten duen lana baloratzen jakin dute".

Gorka Álvarezez gain (Obra, Mantentze eta Azpiegitura, Giza Eskubide, Memoria Demokratiko eta Garapenerako Lankidetzako ordezkaria), beste hiru zinegotzik delegazioak hartu zituzten Gobernu akordioa zela eta: Josu Iguiñizek (Gizarte Ongizateko eta Euskarazko ordezkaria), Iñigo Bergesek (Segurtasun eta Herritarren Bizikidetzako ordezkaria) eta Maite Cortinak (Berdintasuneko eta LGTBIQ+ Eskubideetako ordezkaria). Otsailaz geroztik, erronka nagusia da "laguntza ematea eta herritarrei entzutea. Erronka handiak ditugu agintaldiaren amaierara arte arlo hauetan: osasuna, kirol-azpiegiturak, sustapen ekonomikoa, bide-azpiegiturak, segurtasuna, Arbeseko egoitza, euskararen sustapena, etxebizitza, ingurumena... ".

Gorka Álvarez bozeramaileak, Irungo EAJ-PNVren bozeramaile gisa egindako lehen urteko balorazioan, azpimarratu du "Irungo hiriarekin dugun konpromisoa zintzoa dela: eskutik helduta jarraituko dugu Irun izeneko proiektu komun honen eraikuntzan".