Joan den astelehenean, ekainak 16, ireki zuten Lasarte-Oriarako bide berria, Zabaleta auzoko zirkulazioa eraldatu eta inguruko bizilagunen bizi-kalitatea nabarmen hobetu duen mugarria. EAJ-PNVk bultzatutako azpiegitura honek auzoan kamioien pasabidea ezabatzea ahalbidetu du, eta horrek zarata gutxiago eta segurtasun handiagoa ekarriko ditu.

EAJ-PNVtik beti uste izan dugu bizilagunen beharrak entzun eta azkar erantzun behar direla. Horregatik, lan hauek ahalik eta lasterren errealitate bihurtzeko buru-belarri lanean gabiltza. Enpresariekin eta GFA-arekin egindako akordio garrantzitsuen bidez, bidearen eraikuntza bizkortzea lortu genuen, denbora errekorrean burutzea bermatuz.

Urnietako konektibitatea hobetzeaz gain, errepide berriak Babiloniaren garapenean beste pauso garrantzitsu bat eman du; hirigintza proiektu honek 340 etxebizitza eraikitzea ekarriko du, horietatik 255 babestuak izango direlarik, gure herritarrei etxebizitza eskuragarria lortzen laguntzeko.

Obra hau, gure bizilagunen bizi-kalitatea hobetzeko EAJ-PNVk hartu duen konpromisoaren adibide garbia da, eta Urnietako garapenerako funtsezko azpiegiturak planifikatu eta gauzatzeko kudeaketa eraginkor eta aurreratuari balioa ematen dio.

EAJ-PNVk lanean jarraituko du Urnietak aurrera egiten jarrai dezan eta bizitzeko leku hobea izan dadin, betiere herritarren beharrak entzunez eta guztion egunerokotasuna hobetuko duten erabaki arduratsuak hartuz.