Igandean Oñati Debagoieneko Alderdi Eguna ospatzeko topagunea izango da. EAJ-PNVk Debagoieneko jeltzaleak batuko ditu, alderdiaren eta herritarren arteko harremana sendotzeko helburuarekin, proposamenak eta ideiak partekatzeko eta alderdiak eskualdeko bizi kalitatea hobetzeko dituen proiektuei buruz hausnartzeko jai gune bat eskainiz.

Jardunaldia 10:00etan hasiko da, Murgildai Txakolindegira (Murgia auzoa 1) egingo den bisita batekin. Ondoren, 11:00etan, Txokolateixa (Kale Barria 29) bisitatuko da. 

12:30ean, Plazako lorategian, ekitaldi politikoa egingo da, Euge Arrizabalaga Gipuzko Buru Batzarreko lehendakaria eta Aitor Urrutia legebiltzarkidea eta Ane Alberdi alderdikideak bertan direla.

Ekitaldi politikoaren ondoren bazkaria egingo da Oñatiko Batzokian 14:30ean (prezioa: 20 €). Beharrezkoa da aldez aurretik bailarako  batzokietan izena ematea.

EAJ-PNV Debagoienak Oñatira hurbildu eta Debagoieneko Alderdi Egunaz gozatzeko deia egin die herritarrei.