1.    Hirigintza Antolamendurako Plan Orokorra

HAPOren tramitazioa geldirik dago Abotsanitz eta EH Bildu gobernura iritsi zirenetik. Duela 20 hilabetetik ez da urratsik egin izapidetzean. Herritarrek ez lukete ulertuko gobernu-taldearen helburu nagusia ez izatea. Etorkizuneko proiektu garrantzitsuak prozesu honekin aurrera egitearen mende daude: Hondarribiko Campus Teknologikoa Zubietan edo Mendelu auzoa, adibidez.

 2.  Etxebizitza

Ezinbestekoa da HAPOren tramitazioan aurrera egitea, herritarren kezka nagusiari irtenbidea emateko: etxebizitza eskuratzea. Badakigu ez dela Hondarribiari bakarrik eragiten dion arazoa, baina Planaren izapidetzearen geldialdiak gero eta arazo handiagoa sortuko du. Hilabeteak aurrera doazen heinean, badirudi "Hondarribian bizi nahi dugu" oposiziorako eslogan gisa geratu dela, gobernuaren benetako helburu baten ordez.

 3.  Aparkalekua

Lurpeko aparkaleku bat eraikitzeko ere ezinbestekoa da HAPOren tramitazioan aurrera egitea. Javier Ugarteko aparkalekuaren alde egiten jarraitzen dugu, Hirigune Historikoan zein Portu auzoan bizi direnei zerbitzua emango dielako eta bisitatzen gaituztenei erdigunetik oso gertu aparkatzeko aukera emango dielako, autoarekin erdialdeko kaleetara sartu gabe.

 4.  Kiroldegia

Gobernu-taldea ez da informazioa ematen ari egoera kudeatzeko moduari buruz. Udalak zerbitzua zuzenean kudeatuko duela iragarri da, baina oraindik ez dute xehetasunik eman lizitatuko duten kontratuari buruz, kiroldegiak sortzen dituen galera ekonomikoak bere gain hartzeko moduari buruz, kiroldegiko jatetxea eta kafetegia noiz irekitzea espero duten eta abarri buruz.

 5.  Hurbileko gizarte-zerbitzu irisgarriak

Zaurgarritasun-egoeran dauden eta premia larriak dituzten pertsonengandik hurbil egoteak ere Udalaren lehentasunetako bat izan behar du datorren urterako. Horretarako, garrantzitsua da gizarte-zerbitzuen bulegoak Muliatera lekualdatzeko prozesua amaitzea eta herritar guztiei eskura dituzten udal-zerbitzuak ezagutaraztea.

 6.  Mugikortasun iraunkorra

Azken urteotan, Hondarribiak urrats garrantzitsuak egin ditu mugikortasun iraunkorraren aldeko apustua egiten duen hiri bat eratzeko, oinezkoei, txirrindulariei eta garraio publikoari leku gehiago emanez. Ildo horretan aurrera egingo duten programak exekutatzen jarraitu beharko litzateke, hirian mugikortasun-eredua eraldatzen amaituko dutenak.