Arrasateko EAJ-PNVk gogor salatu ditu gaur batzokiaren aurkako erasoa. Jeltzaleek adierazi dute horrelako ekintzak demokrazia eta askatasunetik baino, totalitarismotik eta faxismotik gertuago daudela.

Jeltzaleek bizikidetzaren alde egiten duten apustua berretsi dute, adieraziz, bizikidetza apurtzen duten ekintza horien aurrean ez dutela atzera pausorik emango.

EAJ-PNVk argi du, elkarrizketa, elkarlana eta elkarrenganako errespetua dela bidea, eta bide horretan ez daukate lekurik horrelako ekintzek. EAJ-PNVk bizikidetzaren alde lanean jarraituko du, bere bideari eutsiz, inposaketen aurrean amore eman gabe.

Amaitzeko EAJ-PNVk adierazi du, guztion artean eraikitako Arrasate aske bat nahi dutela, bizikidetzan eta errespetuan oinarritutako Arrasate bat.