Buruntzaldeko autobus kontzesioaren albistea jakin ostean, Lasarte-Oriako EAJ-PNV udal taldeak, Jon Antxordoki bozeramailearen bitartez, honako hau jakinarazi  du: “Aldundiak kudeatu duen lizitazio berriarekin Lasarte-Oriak izango dituen Buruntzaldeko autobus zerbitzuei dagokienez, lasai egon gaitezke. Ezen egia Lasarte-Orian autobusetan murrizketak izango genituela argitaratu zena. Guztiz kontrakoa da. Tolosa-Donostia linea, Andoain eta Lasarte-Oriatik igarotzen dena, egunean 162 zerbitzu izatetik 173 zerbitzu izatera pasako da; Lasarte-Oriatik Donostiara doan lineak 46 zerbitzu berri izango ditu eta, batez ere, asteburuetan ospitaleetara joateko autobus zuzena izango dugu, 46 zerbitzurekin. Badakigu inork ez dituela zuzenduko autobus gutxiago aurreikusten zituzten adierazpenak, baina denborak arrazoia kendu die".

Udal kudeaketari begira, EAJ-PNVk gogorarazi duenez, 'Urrian mugikortasunari buruzko mozioa aurkeztu genuen osoko bilkuran. Gobernu taldeak gure proposamena atzera bota zuen, eta onartu zuen mozioan Mugikortasun Udal Plan bat egiteko konpromisoa hartu zuen parte-hartze prozesu baten bidez. Gure ustez, plan honekin abiatzeko unea da, garraio publikoa sustatzen jarraitu behar baitugu, daukagun bidegorri sarea, eta nola ez, gure mozioan proposatzen genuen oinezkoen eta bizikleten lehentasuna, Tajamarretik Ola Kalera doan "30 zona" probarekin batera. Espero dugu alkate berriak, Valdivia jaunak, gure ustez ezinbestekoa den plan hau martxan jartzea Lasarte-Oria hobe bat lortzeko ".