EAJ-PNV taldearen bozeramaileak, Jon Antxordokik Atsobakarren 2015. urtean aurreikusi zuten kirol anitzeko gunearen inguru jaso diren informazioen arabera “balorazio ezin hobea egiten dugu. Bi udalen artean teknikoki zeuden desadostasunen inguruan Gipuzkoako Foru Aldundiari kontsulta egin zitzaion eta jakin izan dugunez, Usurbilgo udalak Lasarte-Oriari Atsobakar kirol gunea gauzatu ahal izateko baimena eman behar dio. Oso albiste ona da gure herriarentzat, kirol instalazioen gaur egungo azpiegituren egoera kaxkarrari behin-betiko irtenbidea emateko”.

EAJ-PNVk jakin izan duenez, “Usurbilek erreklamazioak aurkezteko hogei eguneko epea zabaldu zuen irailaren 27an; gure ikuspuntutik, herritarrentzako hain onuragarria izango den proiektuari, nork erregistra dezake erabaki honen kontrako erreklamaziorik? Horregatik eta Mitxelingo kirol gune berriaren parte-hartze prozesua ireki dela ikusirik, Lasarte Oriako alkateari Atsobakar-eko guneari bidea ematea eskatzen diogu”