Gipuzko Buru Batzarra
Berriak
Arteagatarrekin akordioa.
Zer interes edo helburu ote akordioak? 1.- Agauntza ibaiaren hertzean, jauregi atzean oinezkoen bidea ireki ahal izateko Udalak doako zesio bidez lurrak eskuratzea. 2.- Jauregian posible diren jarduerak berrikusi eta definituko dituen Arau Subsidiarioen aldaketa puntuala martxan jartzea eraikina biziberritu eta egoera onean mantentzeko.ARTEAGATARREKIN AKORDIOA
Bi helburuek dute gure ustez Lazkaoren garapenerako izugarrizko garrantzia. Benetan pozten gara urte askoren ondoren, oraingoan akordioa posible izan delako. Lazkaoko Eusko Alderdi Jeltzaleak horrela ulertzen du Lazkaotarrei eskaintzen dien proiektua: akordioetan oinarritua, Lazkao eta Lazkaotarrak ardatz dituena eta pauso txiki ugariz landua.
Oinezko paseoa.
Akordioren garapenak, Lazkao Txiki Zelaia eta Hariztiko parkea lotuko dituen oinezko bide berri bat egokitzea posible egingo du.
Lazkao Txiki Zelaia, Hiribarren edo Elosegi kaletik bideratzen denarentzat Harizti parkerako sarrera berria bihurtuko da. Era berean, Ikastolako kantxa ondoa (kanpo gorria) eta Elosegi kaleko ibai hertza, (Parrokia ondoan), lotzeko aurreikusita dagoen zubi berriarekin batera, oinezkoen ibilbide eta zirkuito berria osatuko du.
Baina ez hori bakarrik, gure iritzirako urrats honek, pauso berriak lantzen joateko hauspoa izan behar du. Akordio aukerak posible egiten dituzten uneak aprobetxatuz, errealitateak markatzen dituen denborak errespetatuz, baina Agauntzaren ibai hertzak Lazkao eta Lazkaotarren egunerokorako berreskuratu eta egokitzeari inoiz uko egin gabe.
Ataun aldera, urteetako kudeaketari esker lortu den moduan, Beasain aldera ere, Agauntza, Lazkaoren ardatz eta Lazkaotarren bidelagun bihurtu dadin, Lazkaoko EAJ-PNV udal ordezkariek lanean jarraituko dute.
Jauregian baimendutako jarduerak.
Oinezkoen bideari buruzko akordioa bezain garrantzitsua da guretzako, Jauregia egoera onean jarri, mantendu eta erabilpen egoki bat eman ahal izateko jardueraren bat izan dezan lortutako akordioa.
Sarritan entzun dugu, Jauregia Udalak herritarrentzat erosi beharko lukeela.
Zalantzarik egon ez dadin esan, Lazkaoko EAJ-PNV ez duela inoiz horren aurkako jarrerarik azaldu. Proposamen horrek baditu ordea berarekin zenbait gogoeta edo galdera: Oinarrizkoena: nola erosi salgai ez dagoena? Guk dakigula, Arteagatarren Lazkaoko jauregia ez dago salgai.
Bada besterik ere: jo dezagun salgai jartzen dutela. Udalak salmenta prezioari aurre egin diezaiokeela. Ez ote da erostea errazena? Zenbateko inbertsioa eskatzen du eraikina berritu eta egokitzeak?
Hori gutxi balitz: zenbat diru bideratu beharko luke Udalak bere aurrekontuetatik, urtea joan eta urtea etorri, eraikinaren mantenu lanetara? Jasangarri izango al litzaioke Lazkaoko Udalari hori luzarora?
Galdera sinpleak baina erantzun konplexuak.
Orain artean, udalean EAJ-PNV ordezkatzen aritu diren pertsonek galdera hauei eta antzeko beste batzuei erantzunak lantzen saiatu dira. Aurrerantzean ere.
Inor eta ezeri ateak itxi gabe, baina “Udalak Jauregia erosi egin behar du” arinki esan aurretik, arduratsu jokatuz.
Egon daiteke, jauregia Udalak eskuratzen ez badu eraikinaren egoera kaxkarra bost axola zaionik, edo eta horrela jarraitzea nahiago duenik. Ez dugu guk jarrera hori ulertzen ez konpartitzen. Udalaren ardura irtenbideak topatzea da, ez oztopoak jartzea. Eraikitzea, ez eraistea.
Guretzako garrantzitsuena ez da jabetza. Inportantea eraikina egoera onean egotea da. Jauregiari erabilera aproposa topatzea: bizia emango diona, mantenuan lagun dezakeena. Lehenbailehen premiazko zahar berritua oihuka eskatzen duten, ate eta leihoak, Lazkao eta Lazkaotarren, enplegu, zerbitzu eta bizi kalitateari, zabaltzeko mesedetan izango dena. Orain transmititzen duen tristura, irribarre bihurtuko duena.
Horrek elkarlana eskatzen du. Kasuan publiko eta pribatuen arteko elkarlana. Guk askotan defendatu duguna: kooperatiba bidez etxebizitzak eginez, enpresekin kokapen eta lanpostuen sorrerarako bidean hitzarmenak sinatuz, herriko eragileekin elkarlanean jardunez, partikularrekin adostasunak landuz. Baita Arteaga familiarekin ere, Hariztiko parkearen doako lagapena, edo eta Orobione eskuratzeko akordioa horren adibide dira. Lazkaoko EAJ-PNV ez dio akordio eta elkarlanari beldurrik.
Nabarmenak...
EBB
2024/04/15
EBB
2024/04/14
Berria
2024/04/13
Berria
2024/04/12
Berria
2024/04/11
Berri ikusiagoak...
EBB
2019/04/12
EBB
2019/04/21
EBB
2018/08/31
EBB
2019/04/11
Gipuzkoa
2019/04/20