Gipuzko Buru Batzarra
Berriak
Iratxe Ziarrusta izango da EAJ-PNVren hautagaia Aizarnazabalgo alkatetzarako
Aizarnabalgo EAJ-PNVek Iratxe Ziarrusta hautatu du alkatetzarako hautagai bezala datorren maiatzean egingo diren udal eta foru hauteskundeetan.Durangon jaioa, zortzi urte daramatza Aizarnazabalen bizitzen eta aizarnazabaldar bat gehiago dela dio. Hautagai jeltzaleak 41 urte ditu, ezkondua eta bi alaben ama. Administraritza ikasketak eginak ditu eta gaur ostalaritzan ari da lanean.
“Gogo handiarekin hartzen dudan erronka da”, adierazi du hautagai jeltzaleak eta “jadanik prest nago aizarnazabaldarren eskaerak entzuteko eta ahalegin guztiak egiteko gaur egun Aizarnazabalen dugun bizi kalitatea mantentzeko eta hobetzeko”.
“Helburu horrekin, jarraitu du, Aizarnazabalgo erdi guneaz baina haratago, Etxabe, Zaiatz eta Zubialde auzoetako hutsuneak eta beharrak aztertu eta erantzunak ematea ezinbestekoa da”.
Ziarrustak gogoratu du herri txikiek aurrera egiteko ezinbestekoa dutela Foru Aldundiaren laguntza eta azpimarratu du orain lau urte Markel Olanok martxan jarri zuen “Landagipuzkoa 32” programa moduko bat berriro indarrean jarri behar dela. “Azken batean, Gipuzkoako lurraldearen oreka mantentzea nahi badugu, Aizarnazabal moduko herri txikietako bizi kalitatea bermatu behar da eta horretarako ditugun azpiegiturak berritzea eta hobetzea ezinbestekoa da” esanez amaitu du.
Nabarmenak...
EBB
2024/04/15
EBB
2024/04/14
Berria
2024/04/13
Berria
2024/04/12
Berria
2024/04/11
Berri ikusiagoak...
EBB
2019/04/12
EBB
2019/04/21
EBB
2018/08/31
EBB
2019/04/11
Gipuzkoa
2019/04/20